12 июн 07:44
Янгиликлар

Футбол

Ла Лига қайтди! Илк ўйинда "Бетис" "Севилья" қаршисида ожиз қолди

Испания чемпионати баҳслари ҳам коровирус пандемияси туфайли март ойида тўхтатилганди.

Узоқ давом этган паузадан кейин Пиреней ярим оролига футбол нафаси кириб борди. Кеча оқшом Ла Лиганинг 28-тури доирасида "Севилья" ва "Реал Бетис" клублари ўзаро тўқнаш келди. "Рамон Санчес Писхуан" стадионида ўтказилган ўйинда мезбонларнинг қўли баланд келди.

Учрашувда ҳисобни 56-дақиқада Лукс Окампос (пенальтидан) очган бўлса, орадан 6 дақиқа ўтганидан кейин "Севилья" ярим ҳимоячиси Фернандо 2:0 кўринишига келтириб қўйди. Ҳисоб ўйин якунига қадар ўзгармади.

Бу ғалабадан кейин Хулен Лопетеги шогирдалри ҳисобидаги очколар сони 50тага етиб, мусобақа жадвалининг 3-поғонасига яхшилаб жойлашиб олди. "Бетис" эса 33 очко билан (ҳозирча) 12-ўринда турибди.