Ла Лига. "Реал" мавсумни ғалаба билан бошлади, Модрич "қизил" олди

Биринчи бўлимда Гарет Бэйлнинг тўп узатишидан кейин Карим Бензема ҳисобни очди - 0:1. Иккинчи бўлим бошида Лука Модрич қизил карточка олиб майдонни тарк этгач кўпчиликда Мадрид клубининг ғалабасига шубҳа пайдо бўлди. Бироқ кўп ўтмай Тони Кроос ажойиб зарбаси билан иккинчи бор мезбонларни ранжитди - 0:2.

Учрашув тугаши 10 дақиқа қолганида захирадан майдонга тушган Лукас Васкес ўз номини таблога ёздириб қўйди - 0:3. Мана шу учта голга "Сельта" фақат бир бор жавоб қайтара олди холос - 1:3. Зинедин Зидан бошчилигидаги "Реал" мавсумни ғалаба билан бошлади.

Испания чемпионати. 1-тур

Сельта – Реал Мадрид 1:3 (0:1, 1:2)

«Балайдос» стадиони

Голлар: 0:1 – 12 Бензема, 0:2 – 61 Кроос, 0:3 – 80 Васкес, 1:3 – 90 Лосада.

Сельта – Рубен Бланко, Оласа, Васкес, Костас, Араухо, Денис Суарес, Мендес, Лоботка (Систо, 75), Бельтран (Диоп, 83), Фернандес (Лосада, 88), Аспас.

Реал Мадрид – Куртуа, Одриосола, Варан, Рамос, Марсело, Модрич, Каземиро, Винисиус Жуниор (Васкес, 69), Кроос, Бэйл (Иско, 75), Бензема (Йович, 81).

Огоҳлантиришлар: Васкес (7), Рубен Бланко (12), Аспас (12), Винисиус Жуниор (36), Фернандес (49), Одриосола (64), Костас (74).

Четлатиш: Модрич (56).