Ламин Ямаль жорий мавсум Топ-5 лигаларда биринчи бўлиб ушбу натижага эришди

"Барселона" ҳужумчиси Ламин Ямаль жорий мавсумда барча турнирларда 10 та урилган гол ва 10 та голли узатма маррасига етди ва бу орқали Европанинг топ-5 етакчи лигалари (Англия, Испания, Франция, Германия ва Италия чемпионатлари) футболчилари орасида ҳар иккала кўрсаткич бўйича ҳам икки хонали рақамларга эришган биринчи ўйинчига айланди. 

Жорий мавсумдаги юбилей 10-голини Ямаль Чемпионлар лигаси 2026/2027 йилги мавсуми умумий босқичи 3-туридан ўрин олган ПСЖга қарши ўйинда (2:4) киритди. Бош еврокубокнинг жорий мавсумида 19 ёшли испаниялик футболчи ҳисобида аллақачон иккита гол ва тўртта голли узатма бор. Навбатдаги ўйинда "Барселона" ўз майдонида 25 октябрь куни Испания чемпионати 10-тури доирасида "Реал"га қарши майдонга тушади.