23 апр 09:09
Янгиликлар

Теннис

Laureus. Новак Жокович йил спортчиси деб топилди

"Катта Дубулға" турнирларининг 24 карра ғолиби Новак Жокович яна бир бор нуфузли Laureus совринини қўлга киритди.

Сербиялик теннисчи Laureus World Sports Awards томонидан йилнинг энг яхши эркак спортчиси деб топилди. Ушбу мукофот 2023 йилда яхши натижа қайд этган спортчилар ҳамда жамоаларга тақдим этилади.

Дунёнинг биринчи ракеткаси ушбу номинацияда футболчилар Лионель Месси, Эрлинг Холанд, "Формула 1" пойгачиси Макс Ферстаппен, енгил атлетикачилар Ноа Лайлс ҳамда Арман Дюплантисни ортда қолдиришга муваффақ бўлди.

Эслатиб ўтамиз, Новак Жокович 2012, 2015, 2016 ва 2019 йилларда ҳам ушбу совринни қўлга киритган эди. Рожер Федерер 6 карра Laureus соҳиби бўлган, айнан швейцариялик ушбу совринни энг кўп қўлга киритган спортчи ҳисобланади.