Лайлохон Собирова финалда, қолганлар бронза учун курашишади

Хабар берганимиздек, бугун ёшлар (U 20) ўртасидаги қитъа чемпионатида аёллар кураши вакилалалари медаллар учун гиламга чиқишяпти. 57 кг вазнда юртимиз шарафини ҳимоя қилаётган Лайлохон Собирова муросасиз кечган ярим финал беллашувида ҳиндистонлик Сито Ситони 12-10 ҳисобида енгиб, Осиё чемпионатининг финалига йўл олди. 

Собированинг олтин медаль учун кечадиган баҳсдаги рақибаси қозоғистонлик Зейнеп Баянова бўлади. Улар иккинчи даврада ўзаро беллашишган ва унда сўнгги қўлга киритилган балл (6-6) эвазига Баянова ғалаба қозонган эди.

53 кг вазнда курашаётган Дилшода Матназарова кечки финал дастурида бронза медали учун гиламга чиқади. Унинг рақибаси япониялик Рио Хаттори бўлади. Ярим финалда қозоғистонлик Тинис Дубекка ютқазган (0-10) Рушана Абдурасулова (62 кг) бронза медали учун кореялик Сео Ен Баега қарши баҳс олиб боради. 

65 кг вазндаги терма жамоамиз аъзоси Гулмира Айтмуратова ҳам бронза медали учун баҳс олиб борадиган бўлди. Ярим финалда япониялик Нагиса Итога имкониятни бой (6-12) берган Айтмуратова бронза учун қирғизистонлик Дилназ Сазановага қарши гиламга чиқади.