Леау Роналдуга тегишли бўлган 7-рақам остида қайдномага киритилди

Қайднома УЕФА расмий сайтида эълон қилинди.

Чоршанба куни 41 ёшли Роналду бош мураббий Жорже Жезушнинг футболчига асосий таркибдан жой кафолатланмагани ҳақидаги матбуот анжуманидан сўнг жамоа қароргоҳини тарк этганини ижтимоий тармоқлар орқали маълум қилганди.

Кейинроқ “O Jogo” нашри Роналду миллий термадаги фаолиятини якунлагани, 24 сентябрь куни Уэльсга қарши ўтказилган Миллатлар Лигаси баҳси эса унинг учун терма жамоа либосидаги сўнггиси бўлгани ҳақида хабар тарқатди.

Пайшанба куни Португалия терма жамоаси Миллатлар Лигаси “А” дивизиони 4-гуруҳ 3-тури доирасида Данияга қарши майдонга тушади. Учрашув Копенгагенда бўлиб ўтади ва Тошкент вақти билан 23:45 да бошланади.

Роналду ҳисобида Португалия терма жамоаси сафида 234 та ўйин ва 146 та гол мавжуд. У миллий жамоа билан биргаликда Европа чемпиони бўлган ҳамда икки бор Миллатлар Лигасида зафар қучган.