09 апр 13:47
Янгиликлар
Баскетбол
ЛеБрон Жеймс учун NBA мавсуми якунланди
«Лос-Анжелес Лейкерс» етакчиси ЛеБрон Жеймс Миллий Баскетбол Ассоциацияси мунтазам чемпионатининг қолган ўйинларида жамоасига ёрдам бера олмайди, деди The Athletic инсайдери Шэмс Чарания.
Манба берган хабарга кўра, баскетболчи тўпиғидаги жароҳатдан кейинги тикланиш жароёнида.
37 ёшли форвард 27 март куни «Нью-Орлеан Пеликанс»га қарши ўйинда чап тўпиғини жароҳатлаб олган эди. Ўйиннинг биринчи чорагида у Жексон Хейзнинг оёғини босиб олди ва дарҳол шифокорлар томонидан кўрикдан ўтказилди. Текширувдан сўнг у майдонга қайтди ва ўйинни охиригача оғриқ билан ўйнашда давом этди. Учрашув якунида ЛеБрон 39 очко тўплади, аммо бу ғалаба учун етарли бўлмади. «Лейкерс» 108-116 ҳисобида мағлуб бўлди.
ЛеБрон мунтазам чемпионатда майдонга тушган ҳар бир ўйинда ўртача 30,1 очко, 8,2 рибанд ва 6,3 самарали узатма қайд этди.
Эслатиб ўтамиз, «Лейкерс» NBA плей-офф босқичига чиқа олмади. ЛеБрон эса 4-бор NBA плей-оффини ўтказиб юборади.
Ҳавола :
Манба : championat.com
Фикрлар