Легионерларимизга аталган кун. Бугун Ҳусанов, Ғаниев, Эркинов, Турғунбоев жамоалари ўйнайди

- Абдуқодир Ҳусанов тўп тепаётган "Манчестер Сити" Англия кубогида "Лейтон" билан куч синашади. Учрашув Тошкент вақти билан 17:15 да бошланади. Ҳозирга қадар Ўзбекистон терма жамоаси футболчиси фақат АПЛ доирасида "Челси"га қарши майдонга тушди.  

- БАА Про лигасининг 15-турида Азиз Ғаниев ҳаракат қиладиган "Ал Батеҳ" меҳмонда "Ал Айн"га қарши саф тортади. Маълумот учун, айни пайтда турнир жадвалида мезбонлар 5-ўринда кетаётган бўлса, "Ал Батеҳ" 12-поғонани эгаллаб турибди. Ушбу беллашув 18:20да старт олади.  

- Амирликлар чемпионатида бугун Ҳожимат Эркинов ўйнайдиган "Ал Ваҳда" ўз майдонида "Хорфаккан"ни қабул қилади. "Ал Ваҳда" жадвалда олтинчи, унинг рақиби эса ўнинчи ўринда кетмоқда. Бу ўйин 21:00да бўлиб ўтади.  

- Туркия Суперлигасининг 23-турида Азиз Турғунбоев тўп тепадиган "Сивасспор" "Бешиктош"ни меҳмон қилади. Жамоалар ўртасидаги қарама-қаршиликни 21:00дан бошлаб кузатишингиз мумкин.