Леклер, Албон ва "Милан" футболчиси виртуаль пойгада стартга чиқади

Ушбу пойга реал ҳолатдаги Нидерландия Гран-приси ўтказиладиган саналарда ташкил этилади. "Феррари" пилоти Шарль Леклер виртуаль турнирдаги ўзининг кетма-кет учинчи чемпионлигини қўлга киритиш учун уриниб кўради. 

Келаётган якшанба куни Интерлагос трассасида ўтказилувчи Бразилия Гран-присида Леклердан ташқари Алекс Албон (Ред Булл), Антонио Жовинацци (Альфа Ромео), Жорж Расселл ва Николас Латифи (иккиси ҳам - Уильямс) стартга чиқади.

Бундан ташқари, виртуаль Гран-при пойгасида қатнашиш истагини футболчилардан "Милан" клуби ҳимоячиси Алессио Романьоли, британиялик крикетчи Стюарт Брод ва Бен Стоукс, норвегиялик ралли чемпиони Петтер Сольберглар ҳам билдирган.