11 дек 11:36
Янгиликлар
Бокс/ММА
Леон Эдвардс - Колби Ковингтон чемпионлик баҳсига захира жангчиси тайинланди
17 декабрь куни Лас-Вегас (АҚШ) шаҳрида UFC 296 турнири ўтказилади.
Турнирнинг марказий жанги ярим ўрта вазн тоифасида британиялик чемпион Леон Эдвардс ҳамда америкалик даъвогар Колби Ковингтон ўртасида кечади. Яна бир АҚШ вакили Белал Муҳаммад ушбу титул жангида захира жангчиси бўлади. Бу ҳақда Муҳаммаднинг ўзи MMA Junkie нашри билан суҳбатда маълум қилди.
Эслатиб ўтамиз, Леон Эдвардс сўнгги жангини 2023 йил март ойида Камару Усманга қарши ўтказиб, очколар ҳисобига кўра ғалаба қозонганди. Унинг ҳисобида 21 ғалаба ва 3 та мағлубият бор.
Ковингтон эса 2022 йилнинг март ойида Хорхе Масвидалга қарши жанг қилиб, очколар ҳисобига кўра зафар қучган эди. Унинг ҳисобида 17 та ғалаба ва 3 та мағлубият бор.
Ҳавола :
Манба : mma.metaratings.ru
Фикрлар