“Лестер” 1/4 финалда, демак, эртак ҳали тугамади

Англия чемпиони “Лестер Сити” клуби ўз майдонида Испаниянинг “Севилья” жамоасини қабул қилиб, 2:0 ҳисобида ғалаба қозонди.

Ўйиннинг 27-дақиқасида Рияд Махрезнинг тўп узатишидан сўнг Уэс Морган дарвозани ишғол қилди. 54-дақиқада Олбрайтон ҳисобни 2:0 кўринишига олиб келди.

74-дақиқада иккинчи сариқ карточкасини ишлаб олган Самир Насри майдондан четлатилди. Бир киши кам бўлиб қолган меҳмонларда вазиятни ўзгартириш учун имконият юзага келган эди. Лекин Стивен Н'Зонзи белгиланган пенальтини голга айлантира олмади.

Шу тариқа, ўйин 2:0 ҳисобида “Лестер”нинг ғалабаси билан якунланди. Бу икки жамоанинг илк ўйинида “Севилья” 2:1 ҳисобида зафар қучганди. Демак, “Лестер”нинг эртаги ҳали тугамади.