06 апр 12:34
Янгиликлар
Баскетбол
«Лейкерс» плей-оффда иштирок этиш имкониятини йўқотди. ЛеБрон Жеймс фаолиятида 4-марта плей-оффни ўтказиб юборади
«Лейкерс» бугун тонгда «Финикс»га сафарда 110-121 ҳисобида мағлуб бўлди ва NBA плей-оффига чиқиш имкониятини йўқотди.
Ғарбий конференцияда плей-оффга чиқиш учун сўнгги йўлланма бироз аввал «Денвер»ни мағлуб этган (116:97) «Сан-Антонио»га насиб этди.
«Лейкерс» етакчиси ЛеБрон Жеймс ўйинни жароҳат туфайли ўтказиб юборди. Жамоа форварди сўнгги бешта ўйиннинг тўрттасида майдонга тушмади. Рассел Уэстбрук (28 очко) ва Энтони Дэвиснинг (21 очко ва 13 рибанд) саъй-ҳаракатлари ўтган йилги финалчи ва жорий чемпионат пешқадамини мағлуб этиш учун етарли бўлмади.
37 ёшли Жеймс фаолиятида тўртинчи марта плей-офф босқичини ўтказиб юборади. Тўрт карра NBA чемпиони 2003/04 ва 2004/05 йилларда, шунингдек, «Лейкерс»даги биринчи мавсумида (2018/19) плей-оффни ўтказиб юборган эди.
Ҳавола :
Манба : sports.ru
Фикрлар