27 сен 08:00
Янгиликлар

Теннис

Лэйвер Кубоги. Европа ва Жаҳон жамоалари баҳсида 14:1 ҳисоби қайд этилди

Теннис бўйича нуфузли Лэйвер Кубоги-2021 турнири Европа терма жамоасининг йирик ҳисобдаги ғалабаси билан якунланди.

Бу сафар ушбу мусобақага АҚШнинг Бостон шаҳри мезбонлик қилди. Даниил Медведев, Андрей Рублёв, Александр Зверев сингари номдор ракетка усталаридан таркиб топган Европа терма жамоаси муддатидан аввал йирик ҳисобдаги ғалабага эришиб, Лэйвер Кубоги-2021 соҳибига айланишди.

Андрей Рублёв ва Александр Зверев жуфтлиги Рейлли Опелка ҳамда Денис Шаповаловдан иборат Жаҳон терма жамоаси вакилларини мағлуб этиб, умумий ҳисобни 14:1 кўринишига келтиришди. Жаҳон терма жамоаси қолган баҳсларда максимал 9 очко жамғариши мумкин эди. Шу боис ҳам баҳс муддатидан илгари тўхтатилди.