Лицензион турнир. Жалгасбай ғалаба билан бошлади, Бахшиллоев эса...

Бугун турнир доирасида юнон-рум кураши баҳслари ўтказилмоқда. 

Баҳсларда -87 кг вазн тоифасида юртимиз шарафини ҳимоя қилган Жалгасбай Бердимуратов илк босқичда германиялик Ханнес Вагнерга қарши баҳс олиб борди ва 5:1 ҳисобида ғалабага эришди. У лицензия йўлида курашни давом эттиради. Энди у навбатдаги баҳсни швециялик рақибга қарши ўтказади. 

-67 кг вазн тоифасида эса Маҳмуд Бахшиллоев илк босқичда қозоғистонлик рақибга имкониятни бой берди. Энди қозоғистонлик курашчи финалга қадар етиб борса, Маҳмудда лицензия учун имконият сақланиб қолади. 

Маълумот учун, ҳар бир вазн тоифасида 3 нафар спортчи Олимпия ўйинлари лицензиясига эга чиқади. Финалга чиққан икки нафар спортчи, шунингдек 3-ўрин соҳиби Париж Олимпиадасига боради.