Лилия Шакирова оммавий жанжал кўтаргани учун мусобақадан четлатишгани ҳақида гапирди

"Кураш билан профессионал тарзда шуғулланиб келаётганимга 15 йил бўлди. Мени Ўзбекистонда кўпчилик яхши курашчи сифатида билишади. Аммо, баъзи бир воқеалар сабаб спортнинг бошқа турига ўтганман. 

Бу воқеа Ўзбекистон чемпионатида содир бўлган. У ерда олимпиада йўлланмаси ўйналаётган эди. Рақибам мағлуб бўлишни хоҳламаганди. Мен уни ютишим аниқ эди. У эса мени қуюшқондан чиқарувчи ҳаракатларни бошлади. Мен ўзимни тутиб тура олмадим. Бу менинг хатойим эди. Биз муштлашишни бошладик. Бутун жамоа муштлашишни бошлади, у ерда фақат қизлар эди. Мураббийлар ажратиш ўрнига ўзлари қўшилиб уршишди. Жанжални мени дўстларим тўхтатишди. 

Ҳаммаси сониялар ичида содир бўлди. Менда жароҳат бўлмаганди, лекин улардан икки кишини дархол шифохонага олиб кетишди. Кейинчалик эса мени 2 йилга дисквалификация қилишди. Бу ишлар 2017 йили содир бўлганди", -деди Лилия Шакирова.