14 фев 13:00
Янгиликлар
Бокс/ММА
Лионель Мессини бокс жангига чорлашди
Америкалик блогер Логан Пол аргентиналик футбол афсонаси Лионель Мессини спорт ичимликлари туфайли жанг қилишга чақирди.
2022 йилда Логан Пол Prime спорт ичимлигининг элчисига айланганди. 2024 йилнинг июнь ойида эса Лионель Месси ҳам Mac+ номи остида спорт ичимликлари бозорига кирди. Октябрь ойида Мас+ Prime'ни рақобатга зид хатти-ҳаракатлари учун судга берганди.
"Одамлар нима қилганингизни билишади. Улар бизни судга беришди. Бу адолатдан эмас! Биз қарши даъво аризаси билан чиқдик. Бу ноқонуний. Бу савдо белгисининг бузилиши. Ҳазилни бир четга суриб айтадиган бўлсам, агар Месси билан ўртамиздаги бокс жанги 2025 йилда бўлиб ўтса, даъвони қайтариб олишни кўриб чиқаман. Рингда кўришгунча!" дея Полнинг сўзларидан иқтибос келтиради Mundo Deportivo нашри.
Ҳавола :
Манба : championat.com
Фикрлар