17 дек 11:00
Янгиликлар

Бокс/ММА

LIVE. Финал жангларини Ҳасанбой Дўсматов бошлаб берди ФОТО

Хабар берганимиздек, айни дақиқаларда Самарқанд шаҳрида бокс бўйича катталар ўртасидаги Ўзбекистон чемпионатининг ҳал қилувчи финал жанглари бўлиб ўтмоқда.

Мамлакат чемпионати 8 вазн тоифасида ўтказилаётган бўлиб, олтин медал учун 16 нафар боксчи рингга кўтарилади. Биринчи финал жанги -52 кг вазн тоифасида ўтказилди.

Унда Рио Олимпиадаси чемпиони Ҳасанбой Дўсматов Тошкент вилояти вакили Худойназар Файзовга қарши рингга кўтарилди. Муросасиз кечган жангда Ҳасанбой рақибини 5:0 ҳисобида мағлуб этиб, Ўзбекистон чемпионига айланди.

Ушбу вазн тоифасининг ярим финалида мағлуб бўлган Нодиржон Мирзааҳмедов ва Аброржон Қодиров бронза медалига сазовор бўлишди. Бу Ҳасанбой учун янги вазн ҳисобланади. Аввал у -49 кг вазн тоифасида рингга чиқар эди. AIBA томонидан бу вазн олиб ташланди.