Ллейтон Хьюитт теннис шон-шуҳрати залига киритилди

Тантанали маросим бир кун олдин Ньюпортда бўлиб ўтди. Австралиялик теннисчи US Open 2001 ва Уимблдон 2002 мусобақалари ғолиби ҳисобланади. Ҳаммаси бўлиб у АТР туркумига кирувчи турнирларда 30 та совринни қўлга киритган.

2001 йилда Хьюитт тарихдаги энг ёш дунёнинг биринчи рақамли ракеткасига айланганди. Ўшанда у 20 ёшу 8 ойлик эди. Хьюитт 80 ҳафта давомида рейтингда биринчи бўлган ва у кўрсатгич бўйича тарихдаги 10-теннисчи ҳисобланади.