"Локомотив"га испаниялик келмоқда. У ҳақида нималар биламиз?

Ундан аввалги йилларда эса Тошкентнинг бошқа бир жамоаси – “Локомотив” қаторасига чемпион бўлиб келди.

Сўнгги йилларда бироз бўлса-да таркиб жиҳатдан кучсизланган “Локо” янги мавсумдан таркибига қатор етакчи, тажрибали, легионер футболчиларни жалб қилмоқда. Бугун чиққан хабарга кўра, Тошкент жамоаси испаниялик ҳимоячи Диего Барданкани ўз сафига қўшиб олди. Испан мураббийдан сўнг таркибга қўшилган испан футболчи ким, қандай натижаларга эришгани билан қизиқдик.

1993 йилнинг 20 март куни туғилган Диего ўз фаолиятини дастлаб “Вальядолид” жамоаси сафида бошлади. Ушбу жамоада бир мавсум ҳаракат қилгач “Атлетико Онубенсе” клубига ўтди. Мазкур клубда 2014/15 йилги мавсумда ҳаракат қилган футболчи, 2015 йилнинг ёзида “Эльденсе”дан “Леванте” сафига кўчиб ўтди. 1 февралгача “Леванте”да ҳаракат қилган Дигео мавсумнинг иккинчи ярмини “Реал Хаэн”да ўтказди. 2017 йилнинг 12 март кунидан бошлаб СИК сафида ўйнашни бошлаган футболчи 2018 йилнинг январь ойида “Ивиса” жамоасига ўтди. Мавсум охирида эса “Гимнастика” жамоаси футболчисига айланган. 2019 йилнинг феврал ойида “Бытовий Бытув” сафига бориб қўшилган футболчи, ўша йилнинг ёзида “Инджия” аъзосига айланди. 2020 йилнинг 6 февраль куни эса “Горица” футболчисига айланди Барданка. 2021 йилнинг 1 январидан бошлаб клубсиз бўлган Диего энди Тошкентнинг “Локомотив” сафида ҳаракат қилади.

YouTube тармоғида футболчининг намойиш этган ўйинларидан лавҳа ҳам жойлаштирилган.