18 авг 07:31
Янгиликлар

Бокс/ММА

"Лўли Қирол" Уайлдерга қарши реванш жангининг аниқ сана ва манзилини эълон қилди

Супероғир вазн тоифасида собиқ жаҳон чемпиони Тайсон Фьюри WBC чемпиони Деонтей Уайлдерга қарши ўтказиладиган реванш жангининг аниқ сана ва манзилини ошкор қилди.

Мағлубият нималигини билмай келаётган британиялик ESPN's Now or Never кўрсатувининг жонли эфирида бу маълумотни кенг оммага эълон қилган.

Унга кўра, “Лўли Қирол” 2020 йилнинг 22 февраль куни АҚШнинг Невада штати Лас-Вегас шаҳрида Деонтей Уайлдерга қарши такрорий реванш жангида рингга кўтарилади. Бу боксчиларнинг ўтган йилнинг 1 декабрь куни ўтказилган илк жангида дуранг натижа қайд этилган эди.

Эслатиб ўтамиз, иккала боксчи ҳам реванш баҳсига қадар биттадан жанг ўтказишади. Тайсон Фьюри 14 сентябрь куни мағлубиятсиз одимлаётган швециялик Отто Уаллинга, Деонтей Уайлдер эса 23 ноябрда кубалик Луис Ортисга қарши рингга кўтарилади.