"Ломаченко билан ҳам музокаралар олиб бораяпмиз". Пакьяо — Мейвезер билан реванш ҳақида гапирди

"Ҳар доимгидек, бу ерда энг муҳими — ҳомий топиш. Бу муаммо эмас. Бу жанг Netflix стриминг платформасига қизиқ. Улар бокс бозорига тўлиқ кириш ниятида эмас, лекин машҳур жангчилар иштирокидаги катта пулли ивентларни ташкил этишмоқчи.

Мейвезер билан жанг ҳақида гаплашяпмиз. Ҳозир ҳаммаси бир-биримизни тушуна оламизми-йўқми, шу нарсага боғлиқ. Менинг жамоам ва унинг жамоаси тўғридан-тўғри ҳамкорлик қилиб ишлаяпти. Ўйлайманки, биз деярли келишдик — кўп масалалар ёпилган, фақат икки-учта масала қолган", — деди Пакьяо Seconds Outга.

"Ломаченко билан жанг? Бу рост. Лекин Ломаченко билан гап кетганда, бу фақат кўргазмали жанг бўлиши мумкин. Ҳақиқий жанг эмас. Мейвезер билан эса ҳақиқий жанг ҳақида келишиб оляпмиз", - деди Пакьяо.