13 авг 09:56
Янгиликлар

Бокс/ММА

Ломаченко - Кэмпбелл жанги чипталари сотиб бўлинди

Енгил вазн тоифасида WBA ва WBO йўналишлари чемпиони Василий Ломаченко ҳамда британиялик Люк Кэмпбелл ўртасидаги чемпионлик жангига чиқарилган чипталар бир зумда ўз эгаларини топган.

Ушбу чемпионлик жанги 31 август куни Буюк Британиянинг Лондон шаҳридаги O2 аренада бўлиб ўтади. Бу маълумотни британиялик таниқли промоутер, Matchroom Boxing компанияси раҳбари Эдди Хирн ҳам тасдиқлади.

Маълумот учун, О2 аренаси ўз бағрига 20 000 томошабинни сиғдира олади. Ломаченко ва Кэмпбелл вакант бўлиб турган WBC чемпионлик камари учун рингга кўтарилишади.