19 авг 10:16
Янгиликлар

Бокс/ММА

Ломаченко ва Кэмпбелл мажбурий равишда тарозига чиқишди ФОТО

Украиналик жаҳон чемпиони Василий Ломаченко ҳамда британиялик боксчи Люк Кэмпбелл жангга икки ҳафта қолган бир пайтда мажбурий тарзда тарозидан ўтиш маросимида иштирок этишди.

Ломаченко айни пайтда енгил вазнда WBA ва WBO йўналишлари чемпиони бўлиб турибди. Кэмпбеллга қарши жанг ушбу вазнда вакант, яъни эгасиз бўлиб қолган WBC чемпионлик камари учун кечади.

Жангга икки ҳафта қолган бир пайтда украиналик жаҳон чемпиони рақибидан ярим килограммга енгилроқ экани ойдинлашди. Ломаченко 62,78 кг, Кэмпбелл эса 64,27 кг тош босди. Иккала боксчи ҳам икки ҳафтада бир хил – 2,7 кг вазн ташлашган.

Эслатиб ўтамиз, Василий Ломаченко ва Люк Кэмпбелл ўртасидаги чемпионлик жанги 31 август куни Лондон шаҳридаги О2 аренада бўлиб ўтади.