London Chess Classic 2025. Абдусатторов рапид мусобақасидаги иштирокини якунлади

Мусобақанинг асосий турнири - классик шахматда ҳамюртимиз Нодирбек Абдусатторов энг яқин таъқибчисидан икки очко илгарилаб кетиб, муддатидан аввал чемпион бўлганди. Турнирнинг рапид баҳсларида эса унга омад етишмади. Сўнгги турда у грециялик Николас Теодороуни мағлубиятга учратганида рапид баҳсларини камида иккинчи ўринда соврин билан якунлаган бўлар эди. 

Афсуски, оқ доналарда ўйнаганига қарамай, Абдусатторов бу муҳим партияда рақибига ютқазиб, ўз иштирокини 7,5 очко билан қўшимча кўрсаткичларга кўра 12-ўринда якунлади. Нодирбекни мағлуб эта олган Николас эса 9 очко билан рапид турнири чемпионига айланди. Франциялик Алиреза Фирузджа 8,5 очко билан иккинчи ўринни банд этган бўлса, кучли учликка 8 очко жамғарган америкалик Леньер Домингес якун ясади.