London Chess Classic 2025. Нодирбек Абдусатторовда кетма-кет бешинчи ғалаба!

Мукофот жамғармаси 50 000 фунт стерлингни ташкил этувчи ушбу нуфузли мусобақада дунёнинг кўзга кўринган 10 нафар шахматчиси қатори ёш гроссмейстеримиз Нодирбек Абдусатторов ҳам бош соврин учун кураш олиб боряпти. Биринчи турда британиялик гроссмейстер Гаваин Жонс билан дуранг ўйнаган ҳамюртимиз кетма-кет бешта ғалабага эришди. 

Абдусатторов иккинчи турда оқ доналарда АҚШ шарафини ҳимоя қилаётган ҳиндистонлик Мишра Абҳиманюни, учинчи турда қора доналарда Англия шарафини ҳимоя қилаётган россиялик гроссмейстер Никита Витюговни, тўртинчи турда 54 ёшли Буюк Британиялик чемпиони Майкл Адамсни, кеча бешинчи турда қора доналарда АҚШ чемпиони Сэм Шенклендни мағлубиятга учратди. 

Кетма-кет бешта ғалабадан кейин Абдусатторов турнир жадвалида 5,5 очко билан якка пешқадамликни мустаҳкамлаб олди. Турнирда биринчи рақам остида таснифланган франциялик Алиреза Фирузджа бу турда оқ доналарда америкалик Мишра Абҳиманю билан дуранг ўйнади. Фирузджа 4 очко билан соф иккинчи ўринни эгаллаб турибди.  Никита Витюгов, Николас Теодороу, Люк Макшейн, Павел Эльянов ҳисобида 3 очкодан бор. 

Энг яқин таъқибчисидан 1,5 очкога ўзиб кетган Абдусатторов бугун 7-турда оқ доналарда англиялик гроссмейстер Люк Макшейнга қарши баҳс олиб боради.