London Chess Classic. Абдусатторов рапид мусобақасининг илк куни 5 та партиядан 4 тасини ютди

Мусобақанинг биринчи куни иштирокчилар 5 та турда ҳисоб-китоб қилишди. London Chess Classic турнирида чемпион бўлган Нодирбек Абдусатторов рапид баҳсларининг илк куни 5 та учрашувдан 4 тасида ғалаба қозонди. Кетма-кет англиялик Бени Сисупалан, украиналик Максим Ларчиков, нидерландияликлар Тим Груттер, Элин Руберс мағлуб этилди. Бешинчи турда эса ҳамюртимиз украиналик гроссмейстер Павел Эльяновга имкониятни бой бериб қўйди. 

Бугун турнирда яна 5 та тур партиялари ўйналади. Ҳозирча Нодирбек 5 имкониятдан 4 очко жамғариб, қўшимча кўрсаткичларга кўра 23-поғонадан жой олган. Америкалик Леньер Домингес Перез, украиналик Павел Эльянов ва яна бир АҚШ вакили Сэм Шанклэнд юз фоизлик кўрсаткич, яъни 5 очко билан турнир жадвалида пешқадамлик қиляпти. Ўн бир нафар шахматчи ҳисобида 4,5 очкодан бор.