26 апр 18:10
Янгиликлар

Бокс/ММА

"Лондон Олимпиадасида Жошуага ғалабани совға қилишганди"

Супероғир вазнли боксчи Жаррелл Миллер агар жанг бекор бўлмаганида британиялик Энтони Жошуани мағлуб этган бўлишини айтиб ўтди.

"Мен Жошуани осонлик билан мағлуб этардим. Шунчалик қаттиқ урардимки, у бошқа мен томонга қарай олмасди. Лекин Энтони менинг ўрнимга Энди Руисни танлади. Бу қандай якунланди? Руис уни синдирди.

Одамлар фактларга қарашни исташмайди. Лондон Олимпиадасида кўп жангларда Жошуага ғалабани совға қилиб юборишганди", - деди Миллер.

Эслатиб ўтамиз, Жошуа Лондон-2012 Олимпиадасида олтин медални қўлга киритди.

Миллер ва Жошуа ўртасидаги жанг америкалик боксчи допинг билан боғлиқ муаммоларга учрагани учун бекор қилинганди.