Лондон турнири бош соврини Италияга йўл олди

Ҳал қилувчи финал учрашувида дунёнинг тўққизинчи ракеткаси, италиялик Маттео Берреттини рейтингнинг 41-поғонасидан жой олиб турган британиялик Кэмерон Норрига қарши кортга чиқди ва қийин ғалабага эришди - 6/4, 6/7(5), 6/3.

Учрашув давомида Маттео 19 та, Кэмерон эса 4 та эйс зарбани амалга оширди. Бу теннисчиларнинг ўзаро ўтказган илк учрашуви эди. Лондондаги муваффақиятли иштирок Маттеога 113,785 евро мукофот пули ҳамда 500 рейтинг очкосини тақдим этди. Норри эса 84,075 евро ва 300 очко ишлаб олди. Бу Берреттини учун мавсумдаги иккинчи, фаолиятидаги бешинчи титул бўлди.