Лондондаги UFC турнирининг асосий жанги эълон қилинди

Ташкилотчилар 22 март кунги оқшомнинг марказий жангини эълон қилишди. Яримўрта вазнда собиқ UFC чемпиони Леон Эдвардс UFC Fight Night 255 турнирида ўз мухлислари кўз ўнгида жанг ўтказади. Британиялик аралаш яккакураш устаси шу куни дивизион рейтингининг тўртинчи поғонасида бораётган австралиялик Жек Делла Маддаленага қарши октагонга чиқади. 

Ўтган йилнинг июль ойида Леон Эдвардс Манчестерда ўтган UFC 304 турнирида америкалик Белал Муҳаммадга очколар ҳисобига кўра ютқазиб, камарини бой берганди. Унгача "Рокки" учта чемпионлик жангида ғалаба қозонганди. Камару Усманни икки бор мағлуб этиб, учинчи жангда Колби Ковингтондан устун келган эди.

Жек Делла Маддалена эса ўтган йилнинг март ойида UFC лигасидаги ғалабали сериясини етти жангга етказгандию Ўшанда у учинчи раундда чемпионлик камари учун собиқ даъвогар Гилберт Бернсни таслим этганди.