Лоренцо Сонего ўз ватанида чемпион бўлди

Ҳал қилувчи финал учрашувида италиялик Лоренцо Сонего сербиялик Ласло Жерега қарши кортга чиқиб, қийин кечган баҳсни ўз фойдасига ҳал қила олди - 2/6, 7/6(5), 6/4.

Уч соату 3 дақиқа давом этган учрашувда дунёнинг 34-ракеткаси бўлиб турган 25 ёшли Лоренцо битта, рейтингнинг 57-поғонасидан жой олган 25 ёшли Ласло эса 5 та эйс зарбани амалга оширди. Бу Сонегонинг фаолиятидаги иккинчи соврин эди. Кальяридаги иштирок унга 40,100 евро мукофот пули ҳамда 250 рейтинг очкосини тақдим этди.