Лос-Анжелес-2028: Гимнастиканинг барча турларида йўлланмалар кутилади

Гимнастикачиларимиз ҳар бир Олимпия ўйинларида Ўзбекистон делегацияси таркибида мунтазам иштирок этиб келишмоқда. Пекин-2008 ёзги Олимпия ўйинларида эса 2 дастурда бронза медаллари қўлга киритилган. 

Суҳбат давомида спортчиларимизнинг барча йўналишларда лицензия қўлга киритишларини таъминлаш, уларнинг Хитойда ўтган Олимпиададаги каби муваффақиятли иштирок этишлари учун барча шароитларни яратиш ҳақида батафсил фикр алмашилди.

Федерация раисининг биринчи ўринбосари Гёзал Муминова тақдимот билан таништирар экан, гимнастика оммавийлигини ошириш, селекция йўналишига алоҳида аҳамият қаратиш бош мақсадлардан экани ҳақида айтиб ўтди. Бунда Президентимиз ташаббуси билан фаолиятини бошлаган Оксана Чусовитина маҳорат мактаби ёш иқтидорларни саралаб олишнинг муҳим бўлаги экани таъкидланди.

Ўрганиш ишлари давомида Ўзбекистон баскетбол ва гимнастика федерациялари мутасаддиларининг янги Олимпия циклига тайёргарлик бўйича режалари тингланиб, бу бўйича ишлаб чиқиладиган Президент қарори лойиҳасига таклифлар белгилаб олинди.