Лос-Анжелес-2028 тайёргарлиги олдидан эшкак эшиш федерация аҳволи ўрганилди

Хусусан, Лос-Анжелес-2028 ёзги Олимпия ўйинлари дастуридан 30 дан ортиқ йўналиш ўрин олиши кутилмоқда. Бугун МОҚ раҳбарияти Ўзбекистон Роwинг&Cаноэ федерация билан тайёргарлик режаларини муҳокама қилди.

Даставвал, Туябўғиз сув омборидаги сув спорти турлари бўйича Республика олий спорт маҳорати мактабининг эшкак эшиш базаси, спортчилар яшайдиган ётоқхона, улар шуғулланадиган сув ҳавзаси ва терма жамоанинг моддий-техник базаси кўздан кечирилди. Қайд этиш жоиз, асосий база яқинида замонавий шароитларга эга яна бир комплекс ташкил этиляпти. Ўрганиш ишларида у ердаги жараён ҳам эътибордан четда қолмади.

Федерация мутасаддилари тақдимот давомида Аичи-Нагоя-2026 ёзги Осиё ҳамда Лос-Анжелес-2028 ёзги Олимпия ўйинларига тайёргарлик бўйича тақдимотларини намойиш этишди. Унда Олимпия дастуридаги экипажларни шакллантиришга кўпроқ аҳамият берилиши, барча масофаларда рақобатбардош таркибларни тайёрлаш ҳақида сўз борди. 

Якунда Президент қарори лойиҳасига спортчиларни замонавий инвентарлар билан таъминлаш борасида таклифлар белгилаб олинди.