20 апр 19:26
Янгиликлар

Дзюдо

Лутфуллаев 5-ўрин билан кифояланди

БААнинг Фужайра шаҳрида дзюдо бўйича йилнинг нуфузли мусобақаси - Осиё/Океания чемпионати давом этмоқда.

Токио-2020 Олимпиадасига муҳим рейтинг очколарини бериши билан аҳамиятли бўлган қитъа чемпионатида ҳамюртларимиз ҳам ўз маҳоратларини намойиш этишяпти.

-60 кг вазн тоифасидаги юртдошимиз Шарофиддин Лутфуллаев ярим финал учрашувида Хитой Тайпейи вакили Вей Юнг Янгга имкониятни бой бериб қўйганди. Бироз аввал у бронза медали учун қозоғистонлик Гусман Қирғизбоевга қарши татамига чиқди ва мағлубиятга учради. Шарофиддин Осиё чемпионатини 5-ўринда якунлади.