22 янв 09:16
Янгиликлар

Теннис

M15 Manacor 3. Султонов 855-ракетка олдида ожиз қолди

Испаниянинг Манакор шаҳрида теннис бўйича М15 тоифасига кирувчи турнир бўлиб ўтмоқда.

Афсуски, турнирда еттинчи рақам остида таснифланган ҳамюртимиз Ҳумоюн Султонов илк даврадаёқ рейтингда ўзидан анча қуйида бораётган рақибига ютқазиб қўйди. Мамлакатимизнинг иккинчи ракеткаси 1/16 финалда болгариялик Иван Ивановга 3/6, 2/6 ҳисобида имкониятни бой бериб, мусобақадаги иштирокини якунлади.

Таққослаш учун, Султонов ATP рейтингида 581, Иванов эса 855-ўринни эгаллаб турибди. Бу теннисчиларнинг ўзаро ўтказган илк учрашуви бўлди.