Macedonian Open. Фомин саралашни муваффақиятли якунлаб, асосий тўрга чиқди

Мукофот жамғармаси 75 минг еврони ташкил этувчи мусобақада ҳамюртимиз Сергей Фомин ҳам ўз имкониятини синаб кўряпти. Мамлакатимизнинг иккинчи ракеткаси турнирдаги иштирокини саралаш баҳсларидан бошлади. 

ATP рейтингида 654-поғонада бораётган Фомин саралашнинг илк босқичида дунёнинг 448-ракеткаси бўлиб турган боливиялик Хуан Карлос Ангелони 6/2, 2/6, 6/2 ҳисобида мағлубиятга учратди. Саралашнинг финалида эса дунёнинг собиқ 68-ракеткаси, ҳозирда 475-поғонага тушиб кетган австриялик Гералд Мелцердан 6/3, 6/4 ҳисобида устун келди. 

Бугун Сергей Фомин Macedonian Open турнирининг асосий тўр илк давра учрашувида яна бир австриялик теннисчи Жоэль Шверцлерга қарши кортга чиқади. Жоэль ATP рейтингида 664-поғонада бормоқда. Фомин - Шверцлер учрашуви бизнинг вақт билан соат 13:30да бошланади.