Мадримов нокаутга учратган Магомед Курбанов Тим Цзюни жангга чорлади

У 30 ноябрь куни Екатеринбургда (Россия) ташкил этилган бокс оқшоми доирасида Асланбек Козаевни мағлуб этди.

Жангдан кейин Курбанов австралиялик Тим Цзю билан жанг қилиш истагини билдирди:

"Биз қайтдик, энди тўхтамаймиз. Фақат олға борамиз. Мен катта жангларга тайёрман. Мен Тимофей Цзюни жангга чорлайман. Бу Россия ва умуман бутун дунё учун, иккаламиз учун яхши жанг. Ғолиб олдинга боради, иккинчиси қолади. Буларнинг барчаси табиий, табиий танланиш, табиий рақобатдир. Бу жангдан қочишнинг маъноси йўқ", деди Курбанов.

Эслатиб ўтамиз, Магомед жорий йилнинг май ойида ҳамюртимиз Исроил Мадримов билан жанг қилиб, 5-раундда нокаут билан муддатидан олдин мағлуб бўлганди.