«Мадримовнинг рақиби кучсиз? Игбоквени кучсиз дейишга ҳаққимиз йўқ» - Тўлқин Қиличев

«Мадримовни рақиби кучсизлиги ҳақида? Бу нотўғри нарса. Мадримов даъвогар. Уни жангсиз куттириб ўтиришдан кўра, бу жангни ўтказиш афзал кўрилди. Мадримовга ТОP-10даги 3-4 нафар боксчи рақиб сифатида кўриб чиқилди, лекин улар Исроилга қарши жанг қилишни хоҳлашмади. Проф боксда шундай, ҳамма танлаш, розилик бериш ёки бермаслик ҳуқуқига эга. Шунинг учун, якунда Игбокве рози бўлди. 

Мatchroom, DAZN шу боксчини рақиб сифатида тасдиқлади. Бу рақибни кучсиз дейишга ҳаққимиз йўқ. Мухлислар томонидан турли хил фикрлар янграйди. Танқид керак. Шу орқали биз ўсамиз, биз одамларнинг эътиборидан хурсандмиз. Бу жанг бизга сув ва ҳаводек керак. Чунки жангсиз қолиш боксчига жанг ўтказгандан кўра кўпроқ салбий таъсир кўрсатади. Жангсизликдан кўра ҳар қандай кучсиз рақиб билан бўлса ҳам рингга чиққан афзалроқ. Шуларни ҳаммасини инобатга олган ҳолда, биз жамоамиз билан ушбу жангни ўтказишни маъқул кўрдик», - деди Қиличев Olamsport.com сайти мухбири Сарвиноз Рахмонқуловага берган интервьюсида.