Мадримовнинг вазнидаги чемпион Фундоранинг навбатдаги рақиби маълум

Америкалик жаҳон чемпиони ўзининг навбатдаги жангини кичик Эррол Спенсга қарши ўтказади. Бу ҳақда таниқли ESPN журналисти ва инсайдер Майк Копингер хабар берди. Хабарда айтилишича, бу жангда ўртага Фундорага тегишли WBC камарининг ўзи қўйилади. Ҳозирча жанг санаси ва манзили аниқ эмас. 

Эслатиб ўтамиз, Спенс сўнгги бор 2023 йилнинг июль ойида рингда кўринган эди. Ўшанда у яримўрта вазн тоифасида мутлақ жаҳон чемпионлиги учун кечган жангда ҳамюрти Теренс Кроуфордга техник нокаут эвазига ютқазиб қўйганди. Бу у учун фаолиятидаги илк мағлубият бўлганди. 

Себастьян Фундора эса шу йилнинг 31 март куни австралиялик Тимофей Цзюга қарши жанг ўтказганди. "Ти-Мобайл Арена"да ўтган 12 раундлик тўлиқ жангда Фундора рақибини очколар ҳисобига кўра таслим этганди.