08 июн 08:42
Янгиликлар

Бокс/ММА

Мағлубият ва муросасиз Муҳаммад Мокаев Илия Топурия Лигасида жанг ўтказди

Теглар : Муҳаммад Мокаев Way of Warrior FC

Испания пойтахти Мадрид шаҳрида Way of Warrior FC лигасининг навбатдаги турнири бўлиб ўтди.

Оқшом доирасида мағлубият ва муроса нималигини билмай келаётган асли доғистонлик, ҳозирда Буюк Британия шарафини ҳимоя қилаётган 25 ёшли Муҳаммад Мокаев Way of Warrior FC лигасида дебют қилди. Ушбу лиганинг эгаларидан бири UFC чемпиони Илия Топурия ҳисобланади.

Ушбу тўқнашув WOW 31 турнирининг co-main event, яъни аҳамияти жиҳатидан иккинчи жанги эди. Мокаев коста-рикалик рақиби Хорхе Кальвони 42 сониядаёқ мағлубиятга учратди. Муҳаммад Хорхени партерга туширди ва кетма-кет қўл, тирсак зарбалари эвазига ғалабага эришди.

Маълумот учун, Мокаев 2024 йилнинг ёзида кутилмаганда UFC промоушенидан ҳайдалганди. Ўшандан бери у 4 та жанг ўтказди ва барчасида зафар қучди. Бу билан унинг профессионал ММАдаги рекорди 17-0`га етди.