Магнус Карлсен чемпион бўлган Freestyle Chess Grand Slam Paris турнирида Нодирбек Абдусатторов нечанчи ўринни эгаллади?

Унда иштирок этган ўзбекистонлик гроссмейстер Нодирбек Абдусатторов якунда мусобақада саккизинчи ўринни банд этди. Ҳамюртимиз 7-ўрин учун ўйинда россиялик Ян Непомняшийга ҳар икки партияда ҳам имкониятни бой бериб қўйди.

Қайд этиш жоиз, Нодирбекнинг турнирда иштирок этиши мусобақа стартидан атиги бир кун олдин маълум бўлганди. Абдусатторов Париждаги турнир орқали 20 минг АҚШ доллари ишлаб олди.

Мусобақа бош соврини ҳамда 200 000 АҚШ доллари миқдоридаги мукофот пули кутилганидек норвегиялик Магнус Карлсенга насиб қилди. Магнус ҳал қилувчи финал баҳсида америкалик Ҳикару Накамурани 1,5:0,5 ҳисобида мағлубиятга учратди. Америкалик Фабио Каруана учинчи ўринни банд этди.