Магомед Анкалаев Алекс Перейранинг ғалабасига муносабат билдирди

Бразилиялик аралаш яккакураш устаси кеча Лас-Вегасда ўтган UFC 303 турнирининг марказий жангида камарнинг собиқ соҳиби, чехиялик Иржи Прохазкани иккинчи раундда нокаутга учратганди.

"Алекс Перейра, табриклайман, чемпион. Мен жуда ҳам ҳайратдаман. Босс Дана Уайт ҳамиша спорт имкониятлар майдони деб айтади. Ўйлайманки, у ўша имкониятни менга тақдим этади. Стойкада, яъни тик турган ҳолатда қандай жанг қилишни кўрсатиб қўяман. Зарба кучим билан сенинг бош суягинг мустаҳкамлигини текшириб кўрмоқчиман. Ишончим комил, мен сени нокаутга учрата оламан. Топ-5даги барча йигитлар нокаутга учратилди. Фақат мен қолдим. Мен дунёнинг энг яхши яримоғир вазн жангчисиман. Энди мен чемпионлик учун октагонга чиқаман. Алекс мендан худди қолганлар сингари қўрқади. Абу-Даби, Саудия Арабистони, Нью-Йорк, Лас-Вегас, қаерда жанг қилишнинг умуман қизиғи йўқ. Исталган жойда мен уни нокаут эвазига мағлуб этаман. Алекс, яхшилаб тайёргарлик кўр!", - деди россиялик аралаш яккакураш устаси.