Магомед Анкалаев Богдан Гусков билан жангни «машғулот» деб атади

Аввалига Анкалаев Халил Раунтрига қарши жанг қилиши керак эди, аммо у жароҳати сабаб беллашувдан четлашди. Унинг ўрнини ҳамюртимиз Богдан Гусков эгаллади.

«Албатта, Халилнинг жангга чиқа олмаганидан хафа бўлдим. Мен айнан унга қарши тайёргарлик кўрган эдим. Лекин охирги паллада менга янги рақиб топилгани мени умуман хафа қилмади. Аксинча, жанг барибир ўтказиладигани ва қисқа вақт ичида таклифни қабул қилиб, ушбу тўқнашувни сақлаб қолган инсон топилганидан хурсандман. Шунинг учун бу жангни интиқлик билан кутяпман.

Гусков таклифни иккиланмасдан қабул қилган ягона жангчи бўлди. Қолганларни ҳам яхши тушунаман. Бу профессионал спорт ва бу ерда жуда катта нарсалар тиккан. Тўлиқ тайёргарликсиз рейтинг пешқадамига қарши октагонга чиқиш исталган жангчининг фаолиятига жиддий таъсир қилиши мумкин. Шунинг учун ҳеч кимдан хафа эмасман.

Мен учун бу жанг, аввало, октагонга қайтиш имконияти. Агар шундай дейиш мумкин бўлса, бу ўзига хос қизишиб олиш жанги. Шу маънода Богдан мен учун мос рақиб. У рейтингда тўққизинчи ўринда турибди ва бу имконият унинг фаолиятини тубдан ўзгартириши мумкин. Бу жуда катта имконият. Албатта, у менинг рейтингдаги ўрнимни эгаллаш ва имкониятидан фойдаланиш учун бор кучини ишга солади. Аммо буни амалга ошириш унчалик осон бўлмайди», — деди Анкалаев MMA Junkie нашрига берган интервьюсида.