Магомед Анкалаев — Богдан Гусков жанги қачон бошланади ва қаерда кўрсатилади?

Оқшомнинг марказий жангида ярим оғир вазн (-93 кг) тоифасида UFC рейтингида тўққизинчи ўринда бораётган, Ўзбекистон шарафини ҳимоя қилаётган Богдан Гусков ҳамда ушбу вазн тоифасининг россиялик собиқ чемпиони Магомед Анкалаев ўзаро тўқнаш келади.

Турнирнинг асосий карди Тошкент вақти билан 21:00да бошланади. Анкалаев ва Гусков ўртасидаги жангнинг тахминий бошланиш вақти Тошкент вақти билан 23:30 этиб белгиланган.

Жангни Ўзбекистон ҳудудида Setanta Sports платформаси орқали жонли эфирда томоша қилиш мумкин.

Магомед Анкалаев профессионал фаолияти давомида 21 та ғалаба (шундан 10 таси нокаут билан), 2 та мағлубият, 1 та дуранг қайд этган.

Богдан Гусков ҳисобида эса 18 та ғалаба (шундан 15 таси нокаут билан), 3 та мағлубият ва 1 та дуранг бор.