Магомед Анкалаев: "Ўзимга тегишлисини олиб кетамиз!"

Оқшомнинг марказий жанги яримоғир вазн тоифасида вакант бўлиб қолган UFC чемпионлик камари учун россиялик Магомед Анкалаев ҳамда польшалик Ян Блахович ўртасида ўтказилади. 

"Биз узоқ кутган кун етиб келди. Шанба оқшомида мухлисларга ёқадиган жанг намойиш этамиз ва якунда ўзимизга тегишли нарсани олиб кетамиз. Ян яхши жангчи, у ҳақда ҳеч қандай ёмон гап айта олмайман. Лекин бу жанг меники ва ғалаба учун боримни октагонда қолдираман. Камарни қўлга киритганимдан кейин ҳеч қаерга кетмайман. Бу ерда узоқ қоламан. Исталган даъвогар билан жанг қилишга тайёр бўламан. Ҳа, Ян ҳам чемпионлик камарини қўлга киритишни хоҳлайди. Унинг даҳшатли дея таъриф берилаётган зарбаларидан қўрқмайман", - деди Анкалаев жангдан олдинги расмий матбуот анжуманида.