20 авг 15:08
Янгиликлар

Спорт курашлари, Париж-2024

Магомед Ибрагимов: "Иккимизнинг ҳам тақдиримиз деярли бир хил..."

Теглар : Магомед Ибрагимов Рустам Ассакалов

Рио-2016 Олимпиадасининг бронза медали соҳиби, эркин кураш бўйича 97 кг вазн тоифасида Ўзбекистон терма жамоасида фаолият юритган Магомед Ибрагимов юнон-рум курашчимиз Рустам Ассакаловнинг фаолиятини якунлаганига муносабат билдирди.

Ассакалов Париж-2024 Олимпиадасида бронза медали учун кечган беллашувда жароҳат сабаб имкониятни бой бериб, 40 ёшида фаолиятини якунлаган эди.

Ибрагимов буни қуйидагича изоҳлади:

"Рустам билан тақдиримиз деярли бир хил, иккаламиз ҳам йўқдан нимадир бор қилдик", деб ёзди Магомед Ибрагимов.

Маълумот учун, Рустам Ассакалов Ўзбекистон терма жамоси сафида жаҳон чемпионатининг икки карра совриндори (Лас-Вегас-2015 кумуш, Нур-Султон-2019 бронза) бўлган. Осиё ўйинларида уч маротаба ғолиб ва совриндорга айланган. Шунингдек, уч карра Осиё чемпиони ва тўрт карра совриндорига айланишга улгурган. Боку-2017 ва Конья-2021 Ислом бирдамлик ўйинларида бронза ва олтин медалларини қўлга киритган эди.