Маҳмуд Мурадов бугунги жангидан сўнг илк бор алоқага чиқди ва аҳволи ҳақида маълумот берди

Мурадов бугун россиялик Алиасхаб Хизриев билан жанг қилди ва илк раундда кўзидан жароҳат олиши оқибатида жанг ўтказилмаган деб топилди.

Маҳмуд жангдан кейин мухлисларга мурожаат қилди:

"Ҳаммага ассалому алайкум. Биринчи навбатда менда ҳаммаси жойида эканини айтмоқчиман. Фақат кўзимда муаммо бор. Уни оча олмаяпман. Ҳозир шифохонага кетяпмиз.

Алҳамдулиллаҳ, демак, шундай бўлиши керак бўлган экан. Мен тайёр эдим, кўп меҳнат қилдим. 

Барчангизга қўллаб-қувватлов учун раҳмат айтмоқчиман. Ҳаммаси яхши бўлади, Худо хоҳласа. Ҳозир шифохонага кетяпмиз, ўша ерда кўзимга нима бўлганини билиб оламиз. Афсуски, шундай бўлиши керак бўлган экан", - деди Маҳмуд Мурадов.