Маҳмуд Мурадов Чехияда: «Миш-мишларга қарамасдан Прагага етиб келдим»

Мурадов бу ҳақда ижтимоий тармоқдаги саҳифаси орқали хабар бермоқда:

«Ҳеч қачон ижтимоий тармоқларга, турли оммавий ахборот воситалари ва баъзан ҳатто телевиденияга ишонманг. Аслида, вазият бутунлай бошқача бўлиши мумкин. Айни дамда турли миш-мишларга қарамасдан, Алҳамдулиллаҳ, Прагага эсон-омон етиб келдим ва бир неча кундан сўнг навбатдаги тайёргарлик босқичини ўтказиш учун Полшага жўнаб кетаман. Қўллаб-қувватлаганингиз учун барчангизга раҳмат, биз давом этамиз. Ҳаммага омад тилайман», - дея тегишли суратни илова қилди спортчи.

Аввалроқ, Мурадовнинг Чехиядаги визаси бекор қилингани ҳақида хабарлар тарқалган эди.