18 авг 15:05
Янгиликлар

Бокс/ММА

Маҳмуд Мурадов: "Ҳаммаси режа бўйича кетяпти" (ФОТО)

Ўзбекистонлик аралаш яккакураш устаси Маҳмуд Мурадов UFC'дан кетганидан кейинги илк дебют жангига тайёрланмоқда.

Аввалроқ, ҳамюртимиз эндиликда Чехиянинг "OctagonMMA" Лигасида жанг қилиши ҳақида хабар берган эдик. Унинг янги ташкилотдаги дебют жанги 21 сентябрь куни британиялик Скотт Эскхамга қарши кечади.

"Яна бир қийин ҳафта ортда қолди. Шанба, атлетика куни спринт бўлди. Жангга 5 ҳафта қолганида ўзимни яхши ҳис қиляпман. Алҳамдулиллаҳ! Ҳаммаси режа бўйича кетяпти. Якшанба куни мен Анкос ММА'нинг Польшадаги спаррингига бораман. Дам олиш кунлари барчангизга хайрли ўтсин", деб ёзган Мурадов.

Маълумот учун, Маҳмуд Мурадов 2019-2024 йиллар давомида UFC'да 7 та жанг ўтказиб, 4 ғалаба ва 2 мағлубият қайд этган. Унинг сўнгги жанги ўтказилмаган деб топилганди.