Маҳмуд Мурадов Иржи Прохаска учун энг қийин рақиб ким эканини айтди

"Анкалаевга узоқ муддатли танаффус сабаб камар учун жанг беришмайди, деб ўйлайман. 

Прохаскага Блахович - Перейра жанги ғолибини беришлари мумкин, аммо икки-уч ойдан кейин яна тайёрланиш қийин бўлади. Агар Перейра ютса, чиқиши мумкин, у "ақлдан озган". Прохаска учун Перейра билан жанг варианти яхши. 

Анкалаев Прохаска учун энг "ёқимсиз" рақиб, чунки у ҳам "стойка"да, ҳам курашда жанг таклиф қилиши мумкин. Мен Прохаска билан спарринг ўтказганман ва унинг қанчалик бақувват ва универсаллигини биламан. У ноодатий жангчи ва ундан нимани кутишни ҳам билмайсиз. 

Мен дунё бўйлаб кўп жойларга бордим, кўпчилик билан бирга ишладим, лекин ундай жангчи ягона", - деди ҳамюртимиз.

Маълумот учун, Маҳмуд Мурадовнинг ўзи бугун Лондонда америкалик Брайан Барберенага қарши октагонга кўтарилади.