09 дек 12:20
Янгиликлар

Бокс/ММА

Маҳмуд Мурадов кейинги жангини қачон ўтказиши мумкинлигини айтди

Ўзбекистонлик аралаш қоидалар жангчиси Маҳмуд Мурадов Тревор Смитга қарши жангдаги ғалабадан сўнг ўз фикрларини билдириб ўтди.

"Бу менинг АҚШдаги илк жангим эди, аммо охиргиси эмас. Бу ерда жанг оқшомини очиб бериш ва ўзимни кўрсатиш имконияти берилганидан хурсандман. UFCдаги илк нокаутли ғалабамни қўлга киритганимдан ҳам мамнунман.

Агар менга тайёргарлик учун уч ой вақт берсангиз UFC ва мухлисларга ўз кучимни кўрсата оламан. Менинг аввалги тайёргарлик лагерим бор-йўғи 2-3 ҳафта давом этганди.

Балки келаси йил уч маротаба жанг қиламан. Мен шартномани кутяпман. Балки келаси жангимни март ёки апрель ойида ўтказарман. Мен рейтингда ўзимга яқин бўлган ҳар қандай рақибга қарши жанг қилишга тайёрман", - деди Маҳмуд Мурадов.